Pantun Merantau

Ke Kuale Tembage nyakahi Tehang,
Barang di bawe di dalam perahu,
Kami sekeluarge jauh di rantau uhang,
Menangis di hati sanak dek tahu...

Ayah diangkut di dalam timbe,
Menyirami bunge tanaman mertue,
Dekde usah miluni hasenye ibe,
Hindu dek te'ubat ngan ayah mate...

Lebat Pinang di pinggir Kampung,
Masak setangkai tetepek di peti,
Sedih ati mengenang untung,
Jauh merantau nyakahi rezeki...

Baek hupe si Batu Karang,
Hantaman ombak lalu mengitari,
Hupe dek ade rete pun kurang,
Cuman ilmulah penyuluh diri...

Buhung tehebang dipucuk perigi,
Dalam Bangsal penuh kelape,
Nyakah ilmu sampai tinggi-tinggi,
Namun asal ku dek-kan ku lupe...

Dang bepeloh duduk di pantau,
Badah besahang semut kehenghe,
Sunguhpun jauh kami di rantau,
Namun tanah Lubai tekenang juge...

Daun gelenggang pengubat panau,
Batangnye cundong tumbuh berjejeran,
Walaupun kite nei Lubai jauh di rantau,
Jangan lupekan badah kelaheran...