Kepale Stasiun PGG

Pak Marsudi..............Kepale Tasiun Sepur Pagar Gunong sering juga disingkat dengan PGG, ye baek ati. Ini lah name-name Sepur ye galak lalu / melintasi Tasiun Pagar Gunong sekita taun 70 an.

1. Sepur Ekspres. Merupakan sepur ye paleng bagus zaman itu.Sepur ini ngangkuti Jeme (penumpang) trayek Pelimbang - Tanjungkarang 
2. Sepur Kabat. Name KABAT singkatan nai Kereta Api Barang Cepat.Sesuai dengan namenye, sepur ini bejalan gagah dek kejamak'an.Gerbong ye ditarek banyak, sebagianbesar isinye barang2 kebutuhan Masyarakat 
3. Sepur Senel. Entah pedie maksud Senel, kami juge dek tau.Tapi kalu kami kinak, Sepur itu biasenye mawe Batu/ perelatan untok menahi jalan sepur. Kadang tu digabung pule ngan gerbong ye bulat lok tengki untok ngankuti minyak pertamina 
4. Sepur Kelingker. Sepur ye mawe'i Setingkol (batu bara) untok pajohan Lok / Kepala Sepur.Soalnye waktu itu seluruh sepur maseh nggunekan LOK Kepalak Itam (bukan Diesel)
5. Sepur Lamsam.  Ini lah sepur penumpang ye behadu disetiap tasiun. Dikatekan Lamsam, mantak Sepur ini bejalan nye mai gelamai lok kan sampai lok dek de.Lamsam mondek salah singakatan nai kete Lambat Sampai

Zaman dulu Sepur merupakan sarana transportasi ye paleng di andalkan leh Masyarakat, temasok Jeme daerah Lubai. Penyebabnye antare laen karene Mubel lum banyak ige lok mak ini ahi. Hude itu hamper seluruh bakal / jalan raya rusak berat. Ape lagi kalu musem ujan, uji jeme lubai di tengah bakal perses lok kubangan babi. Cuman mubel kepalak gajah ngan Mubel Dodge ba'i ye pacak lalu. Itupun harus ade LER (sebangse tali ye begulung diwek) dan ditambangkan dibatang kayu besak pade sa'at mubel telumpur

Sebagai tasiun kecek, bisanye Pagar Gunong cuman ditambati leh Sepur Lamsam. Sepur la'en rate2 Loncnong ( dek behadu) di tasiun itu. Masyarakat juge maklum, ngan aturan ye dibuat leh jeme besak di PERUMKA ( mak ini lah jadi PT KAI).Tekale itu haper tiap pagi Tasiun Pagar Gunong dipenohi leh jeme, baek ye nak pegi ke arah Pelimbang mak itu juge ye nak ngacung ke Baturaje. Gale2 nye nunggu sepur Lamsam ye kan lalu.Kadang tu dek jarang sepur lamsam ye di tunggu leh Masyarakat ternyate Batal/ dek bejalan.Kabar batalnye sepur ini rate2 ngaget/ mendadak. Mak lum lah sarane telpon di tasiun zaman itu maseh ye ingkol2an makai kabal sepanjang jalan sepur, jadi kalu ade batang kayu huboh atau Kehe ye begantung di kabal telpon tengah utan pacak nian perage'an (pembicara'an antare kepale tasiun teganggu) binyi nye dek jelas.

Nah...............tekale itu lah Peranan Pak Marsudi selaku kepale Tasiun menjadi sangat penting sekali bagi masyarakat ye lah telanjur nak berangkat naek sepur. Dari namenye lah pacak kite tebak, bahwe Pak Marsudi itu adelah Hang Jawe.Tapi uji enggoh Die hang jawe pak Marsudi lah pacak nian dengan tabiat jeme daerah Lubai. Jeme lubai kalu lah kesal, sediket dek ngatek penakut.Jangankan sepur Kabat, Senel, Kelingker..................sepur espres ba'i lagi diluntu'i /disibat (bace di lempar) jeme ngan batu.Pada sa'at ketika sepur lamsam batal, pak Marsudi berani mepertarukan jabatan nye demi untok masyarakat Lubai ye nak bepegian. Beliau Nggalang ( bace :memberhentikan) setiap Sepur ye lalu , walaupun seharusnya sepur itu dek behadu di Tasiun Pagar Gunong.Sinyal ( base Lubai Tande) untok sepur nak masok dek de langsung dibukak, supaye sepur lah ngerem nai ja'oh sebelum sampai di tasiun.Sedangkan sinyal untok sepur berangkat belum diceluetkan ke pucok, sebelum jeme ye nak betinggeh kesepur lah na'ek gale.

Terimekaseh Pak Marsudi, semoga perbuatan/alam baek mu diberikan ganjaran ye setimpal oleh Allah SWT. Amin...............