Pantun Remaja

Ade ikan Sepat juge Ikan Lais,
Disane biasenye ade juge Udang,
Kalu ade niat ye tulus nei Gadis,
Disane juge pasti ade niat Bujang...

Ikan Lais ikan lematang,
Ilok dimasak gulai pindang,
Bujang gadis harus bepandang,
Supaye tumboh hase linjang...

Dekde mudah menangkap Landak,
Karne Landak banyak duhinye,
Dekde mudah ngatekan Endak,
Karne masih banyak pilihannye...

Duhi landak memanglah banyak,
Dekde setajam duhi salak,
Kalu memang dekde endak,
Jangan dikatekan kau galak...

Dekde mudah nangkap landak,
Kalu dek ati" pacak luke,
Dek kan mudah ngatekan endak,
Man bujang lah pemileh ige.

Busek di Lubai di jamin aman,
Banyak humah singgah kalu kemalaman,
Jangan takot cadean belandas iman,
Hadist nei Al-Qur'an jadikan pedoman...